ماسك الحنة البيضاء لتفتيح البشرة.. صابون كريمي عطري لبشرة ناعمة

يناير 25, 2013 1 0 0


ماسك الحنة البيضاء لتفتيح البشرة

المقادير:

  • ملعقة كبيرة حنة بيضاء (مجموعة أعشاب هتلاقيها عند العطار)
  • 2 ملعقة صغيرة جلسرين
  • 3 ملعقة كبيرة عصير ليمون

الطريقة: 
اخلطي عصير الليمون مع الجلسرين، وضيفي الخيلط ده على الحنة، وقلّبيهم مع بعض كويس جدا، واعملي بالخليط ده سنفرة لبشرة الوش والجسم، وممكن تسيبيه على بشرتك لمدة ساعة وبعد كده تشطفيها، والماسك ده ممكن تعمليه مرتين في الأسبوع.

……………………………………………………….

صابون كريمي عطري لبشرة ناعمة
المقادير:
  • 3 ملعقة كبيرة صابون جلسرين مبشور
  • 3 ملعقة صغيرة زيت عطري (أي نوع تحبّيه)
  • 2 ملعقة صغيرة لبن بودرة
  • ملعقة صغيرة عسل نحل
  • ½ كوب ميه


الطريقة: 
سخّني الميه وضيفي عليها الصابون، وقلّبيهم مع بعض على نار هادية لحد ما يتجانسوا تماما مع بعض، وبعد كده ضيفي عليهم الزيت العطري مع الاستمرار في التقليب، وبعد كده اطفي النار، وضيفي اللبن البودرة مع الاستمرار في التقليب، وفي الآخر ضيفي عسل النحل وقلّبي الخليط كويس مع بعضه، وبعد كده صبّيه في برطمان زجاجي واسع علشان تعرفي تستخدميه، وطبعا بنستخدمه على بشرة الجسم فقط.
…………………………………………………………………………………………..
نصيحة لإزالة الحبوب الخفيفة
اغلي نعناع أخضر مع بقدونس وأعشاب الكاموميل أو اللافندر في شوية ميه، وبعد كده دوّبي قرص أسبرين ريفو في الميه دي، واعملي بها كمادات على الحبوب يوميا وممكن تعمليها يوم ويوم.

Comments

comments

share TWEET PIN IT SHARE
Related Posts
Leave a reply

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: المحتوي يخضع لحقوق الملكية ، لذا ممنوع النسخ. شكرآ لتفهمكم!!