لو عايزه تطفشى عريس مش عايزاه واهلك عايزينه تعالي اقولك

سبتمبر 24, 2011 4 0 0

بسم الله نبدأ الخطة سوا

1- لا تظهري لاهلك عدم الرضا
(عشان تعرفي تكملي الخطة)

2- اهم حاجة بالخطة من يوم ما تسمعي بالعريس لحد ما ييجي ماتنسيش تفرمي بصل كتير واذا في ثوم خيييير و بركة طبعا
( انتي بتساعدي ماما محدش هيقول حاجة)
3- طبعا النهاردة اهل العريس عايزين ييجو يشوفو (قمر الزمان) عشان كدا قمر الزمان لازم تفضل نايمة لقبل الميعاد بساعة ( عشان وشها يستريح وما يبانش انه تعبان ) وكدا بتكوني ضيعتي على اهلك فرصة انهم يكشفوكي

4-اهل العريس (ابو الشباب)جم … سلمي على امه بكل برود … واعملي نفسك قرفانة و شايفة نفسك>>بعدها اسحبي نفسك على أوضتك …
(عشان تزبطي نفسك امال … )
و يلا نعرف خطوات احلى ميك اب لاحلى مناسبة
الكحل : الكحل جميل جدا على العيون اتكحلي … بس خلي الكحل بعين اكتر من التانية.. وكدا بتضمني تكوني (حولة رسمي)
كريم الاساس: اكيد عايزين كريم اساس بس على الشفايف .. كدا يبان معاكي فقر دم .. ياعيني

الشادو : طبعا الشادو هو اللي بيخبي البلاوي (وهو اللي بيبين البلاوي ) الشادو الاسود على العيون تقلييييييييه مع شادو اصفر
على وشك بدل ( البلاشر ) وكداااااااااا يبان معاكي كوليرا …. ههههههههاي

و لازم تلبسي احلى موديل : جيبة ( تنورة) خضرا (لون الخيار ) و بلوزة حمرا (لون الحب)و البسي ترحة من سنة الف و تسعمية و ستة وخمسين خشبة و السابو من العصر الحجري
تحفــــــــــة
5- روحي ع المطبخ عشان تأخدي القهوة بس اوعي امك تاخد بالها من العك
6- امشي بكل ثقة الى غرفة الضيوف … (كل ما تكون ثقتك بنفسك اكتر تباني انك خبيرة
في الأمور دي ) … وكدا …. الفار يلعب بعب ابو العريس
ويسأل نفسه>>مدامها خبيرة كدا ليه اللي قبلنا طفشو ؟!!
(بس الفار بعب الاب مش كفايه… لازم يلعبلو شويه بعب العريس ابو الشباب) ههههاي
امسكي القهوة … بصي بعيونه ( واحولي عينيكي)… المسكين بكون وقع في الصدمة(من اول نظرة)
هو طبعا من شدة الصدمة هينسى القهوة وطعمها المريب
طبعا سيبي الرجالة يتكلمو في المهم (اماااااااااااااااااااال)
ارجعي لام العريس اللي عايزة تشوف جمال شعرك
المرة دي مش هنعمل مقلب … خليه حلو مافيش مشكلة … (سشوريه و زبطيه) بسسسسسسسس
اقعدي اهرشي و اهرشي و اهرشي قدامها … تخيلي انه في حديقة حيوانات في راسك ههههههههههههههههههههههههه اي مسكينة طنط ( ام العريس )

اذا نفذتي الخطوات دى مية بالمية باكدلك .. هتسمعي كلمة : ” يا الله ” وتسمعي صوت ابوكي بيقول للجماعة ” شرفتونا ” … لانه الضيوف عايزين (يفلسعو ) قبل ما يتدبسو ببلوة منيلة
اه رأيكم ايه رايكم …. تنفع ؟؟؟ اكييييييييييييد
ههههههه اوعى حد يعمل كده ويلومنى هههههههه
لو اتضربتوا بعد العريس ما يمشي و لا أعرفكوا … ها انتوا حرين كان حد قالك طفشيه … حد لاقي عرسان أصلا

Comments

comments

share TWEET PIN IT SHARE
Leave a reply

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: المحتوي يخضع لحقوق الملكية ، لذا ممنوع النسخ. شكرآ لتفهمكم!!